У ходзе акцыі ўсе ахвотныя змогуць звярнуцца ў любую натарыяльную кантору краіны і атрымаць бясплатную кансультацыю па пытаннях, якія ўваходзяць у кампетэнцыю натарыуса. Спецыялісты гатовыя даць тлумачэнні па шырокім коле тэм, уключаючы афармленне спадчынных правоў, складанне завяшчанняў і шлюбных дагавораў, адчужэнне нерухомасці і пасведчанне дагавораў адчужэння транспартных сродкаў, здзяйсненне выканаўчых надпісаў і інш.

Удзел у акцыі прымуць усе натарыяльныя канторы краіны ў адпаведнасці з графікам работы. Поўны спіс натарыяльных кантор, іх кантактныя даныя і час работы можна ўдакладніць на сайце Беларускай натарыяльнай палаты ў раздзеле «Знайсці натарыуса». 

Акцыя па бясплатным прававым кансультаванні з нагоды святкавання Дня Канстытуцыі нашай краіны праводзіцца натарыусамі штогод. Традыцыйна яна карыстаецца вялікай папулярнасцю ў грамадзян Беларусі. У ходзе такіх акцый натарыусы з сярэднім кансультуюць каля 4,5 тыс. грамадзян. 

Правядзенне акцый па бясплатным прававым кансультаванні грамадзян і прадстаўнікоў бізнесу напярэдадні дзяржаўных свят і памятных дат ужо стала добрай традыцыяй для натарыяльнай супольнасці краіны. Іх галоўная мэта — забеспячэнне абароны правоў і законных інтарэсаў жыхароў Беларусі, а таксама павышэнне ўзроўню прававой культуры і граматнасці насельніцтва.