У касах Нацыянальнага банка з’явілася новая партыя атэставаных брыльянтаў. Сярод іх ёсць камяні фантазійнай агранкі, паведамляе агенцтва «Мінск-Навіны» са спасылкай на Telegram-канал Нацбанка.
Большасць прапанаваных брыльянтаў мае распаўсюджаную круглую агранку з 57 гранямі. Камяні адрозніваюцца колерам і чысцінёй. Некаторыя з іх маюць іншыя віды агранкі, якія называюцца фантазійнымі. Сярод іх — «маркіз» (выцягнутая авальная форма), «трыльянт» (трохвугольная), «груша» (нагадвае кроплю), «прынцэса» (падобная да перакуленай піраміды), «радыянт».
За каштоўны камень масай 0,05 карата просяць 80,48 BYN. Кошт самага дарагога з прадстаўленых брыльянтаў перавышае 28,2 тыс. BYN (1,76 карата).
