Як патлумачыла прэс-служба фінансавага рэгулятара краіны, у нас распрацаваны сучасныя патрабаванні да дзейнасці мікрафінансавых і іншых некрэдытных фінансавых арганізацый.
Актуалізуюцца патрабаванні да зместу правілаў прадастаўлення мікрапазык і да парадку падачы інфармацыі аб прадастаўленні мікрапазык асобам, якія заключаюць дагавор, пазычальнікам, а таксама раскрыцця інфармацыі аб дзейнасці, якая ажыццяўляецца, і фінансавым стане мікрафінансавай арганізацыі.
Акрамя таго, у мэтах узмацнення кантролю за дзейнасцю некрэдытных фінансавых арганізацый удакладняюцца кваліфікацыйныя патрабаванні для кіраўніка арганізацыі і асобы, якая выконвае яго абавязкі больш за чатыры месяцы.
Таксама пашыраюцца падставы для адмовы ў выключэнні па заяве юрыдычнай асобы з рэестраў: лізінгавых арганізацый, мікрафінансавых арганізацый, форэкс-кампаній, аператараў сэрвісаў анлайн-запазычання і факторынгавых арганізацый.
Прынятая пастанова будзе спрыяць далейшаму развіццю рынку мікрафінансавання, зніжэнню рызык нядобрасумленных практык і павышэнню ўзроўню абароны правоў спажыўцоў фінансавых паслуг.
Сяргей КУРКАЧ
