Нацыянальны банк Беларусі анансаваў выпуск памятных манет, прысвечаных 900-годдзю Полацкага Спаса-Еўфрасіннеўскага жаночага манастыра, паведамляе банк.
Яны паступяць у абарот 19 мая 2025 года. У планах выпусціць 550 срэбных манет наміналам Br100, а таксама 2,5 тыс. — наміналам Br20.
Акрамя таго, можна будзе набыць медна-нікелевыя манеты наміналам Br1. Іх тыраж — 4,5 тыс. Манеты маюць форму круга, з пярэдняга і адваротнага бакоў — кант, які выступае па акружнасці. Бакавая паверхня — з насечкай. Чаканка вялася ў Казахстане.
Гэтыя памятныя манеты будуць з’яўляцца законным плацежным сродкам на тэрыторыі Беларусі.
