РВСР для новых інвестыцыйных крэдытаў, прадастаўленых юрыдычным асобам (за выключэннем ільготных), знізіцца з 11,22 працэнта да 11,08 працэнта гадавых; для новых тэрміновых безадзыўных банкаўскіх укладаў (дэпазітаў) фізічных асоб у рублях з тэрмінам вяртання ад года да трох гадоў — з 13,55 працэнта да 13,32 працэнта гадавых; для новых тэрміновых безадзыўных банкаўскіх укладаў (дэпазітаў) фізічных асоб у рублях з тэрмінам вяртання большым за тры гады — з 14,91 працэнта да 14,81 працэнта гадавых.

Не змяніліся разліковыя велічыні стандартнай рызыкі для новых крэдытаў, прадастаўленых юрыдычным асобам (за выключэннем ільготных, інвестыцыйных), — 12,26 працэнта гадавых; для новых крэдытаў, прадастаўленых фізічным асобам (за выключэннем ільготных), — 17,96 працэнта гадавых.

Разліковыя велічыні стандартнай рызыкі ўяўляюць сабой інструмент, які выкарыстоўваецца для забеспячэння фінансавай стабільнасці. Як расказалі ў Нацбанку, гэта адзін з абмежавальнікаў верхняй мяжы працэнтных ставак, які разлічваецца наступным чынам: сярэдні ўзровень ставак сістэмна значных банкаў плюс нейкая надбаўка (мера роскіду). Гэта дае банкам сігнальны ўзровень, перавышэнне якога лічыцца прыкметай ужо высокарызыкоўных паводзін. Такія паводзіны не забараняюцца Нацбанкам, але для гэтага банкам выстаўляюцца дадатковыя патрабаванні наконт капіталу, фарміравання рэзерваў на выпадак, калі ў выніку рызыкоўных паводзін банк сутыкнецца з нейкімі цяжкасцямі.