«Нацыянальнае агенцтва па турызме Мінспорту наўпрост перападпарадкоўваецца ўраду, надзяляецца паўнамоцтвамі па дзяржаўным рэгуляванні і правядзенні адзінай дзяржаўнай палітыкі ў сферы турызму», — паведамілі ў прэс-службе.

Нацыянальнае агенцтва па турызме таксама надзяляецца паўнамоцтвамі па ажыццяўленні каардынацыі дзейнасці рэспубліканскіх органаў дзяржаўнага кіравання, мясцовых выканаўчых і распарадчых органаў; прыняцці нарматыўных прававых актаў, прасоўванні турыстычнага патэнцыялу Рэспублікі Беларусь на знешнім і ўнутраным турыстычных рынках, інвестыцыйных прапаноў для развіцця турыстычнай індустрыі.

Мінэканомікі будзе забяспечваць метадычную і каардынуючую ролю ў частцы выпрацоўкі мер падтрымкі сферы турызму, інвестыцыйнай палітыкі.

Указам вызначаны галоўныя задачы на найбліжэйшую пяцігодку — павышэнне ўкладу турызму ў эканоміку краіны амаль у 2 разы, дасягненне яго долі ў ВУП не менш як 4,5 працэнта ў 2030 годзе.

Прыняцце ўказа дасць магчымасць надаць імпульс развіццю турызму, выбудаваць эфектыўную вертыкаль кіравання гэтай сферай як на рэспубліканскім, так і на рэгіянальным узроўні, арыентаваную на развіццё турызму як прыярытэтнага віду эканамічнай дзейнасці.