Галоўнымі мэтамі праведзеных мерапрыемстваў сталі забеспячэнне стабільнага функцыянавання ўсіх аб’ектаў інфраструктуры ў складаных умовах надвор’я, а таксама гарантыя бяспекі, рэгулярнасці рэйсаў і высокага ўзроўню сэрвісу для пасажыраў.

Падрыхтоўка прадугледжвала шэраг ключавых мер. Сярод іх:

1. падрыхтоўка тэрыторый аэрадромаў Мінск-2, Орша і Магілёў (філіялаў), а таксама будынкаў і збудаванняў;
2. тэарэтычная і практычная падрыхтоўка работнікаў Нацыянальнага аэрапорта Мінск і яго філіялаў, паўторныя інструктажы і трэніроўкі, звязаныя з работай у халодны перыяд;
3. сезоннае абслугоўванне сродкаў радыётэхнічнага забеспячэння палётаў, святлосігнальнага абсталявання;
4. тэхабслугоўванне транспартных сродкаў, спецмашын, сродкаў пероннага механізавання і наземнага абслугоўвання паветраных суднаў;
5. падрыхтоўка да эксплуатацыі ў наступны перыяд пажарнай тэхнікі, абсталявання і рыштунку, сродкаў пошуку і выратавання;
6. фарміраванне дастатковага запасу супрацьабледзяняльных вадкасцяў усіх тыпаў і рэагентаў для апрацоўкі лётнага поля.

Усе запланаваныя мерапрыемствы паспяхова завершаны. Службы Нацыянальнага аэрапорта Мінск, Аршанскага і Магілёўскага філіялаў гатовы да халоднага сезона.