Арганізацыю і правядзенне конкурсу даручана забяспечыць Нацыянальнаму агенцтву па турызме сумесна з партнёрамі. Мерапрыемства адбудзецца ў чэрвені — жніўні 2026 года ў адкрытым фармаце. Кожны грамадзянін можа прыняць удзел у конкурсе і паспрабаваць стаць аўтарам турыстычнага сімвала Беларусі. Па выніках прадстаўленых работ будуць вызначаны пераможцы, якія атрымаюць грашовую ўзнагароду.

Конкурс «Вобраз Беларусі. Пазірк і адкрыццё» з’яўляецца важным крокам у рэалізацыі мерапрыемстваў, прадугледжаных дзяржаўнай праграмай «Турызм» на 2026–2030 гады. Яго мэта — фарміраванне моцнага, пазнавальнага і канкурэнтаздольнага вобраза краіны. Адзіны візуальны сімвал стане ключавым інструментам прасоўвання нацыянальнага турыстычнага прадукту на міжнародных рынках, маркерам якасці і стандарту беларускага сэрвісу, дапаможа кожнаму турысту ідэнтыфікаваць Беларусь як краіну, поўную адкрыццяў і камфорту.

Падрабязная інфармацыя пра ўмовы, тэрміны падачы заявак і патрабаванні да работ будзе размешчана на афіцыйным сайце Нацыянальнага агенцтва па турызме ў бліжэйшы час.