Па захадзе Беларусі днём 26 мая чакаецца ўзмацненне паўночна-заходняга ветру з парывамі 15-18 м/с, аб’яўлены аранжавы ўзровень небяспекі, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У аўторак будзе воблачна з праясненнямі. Ноччу месцамі, раніцай і днём на большай частцы тэрыторыі пройдуць дажджы. Днём магчымы навальніцы. Вецер прагназуецца паўночна-заходні 5-10 м/с, днём з парывамі да 14 м/с, месцамі, а па захадзе ў многіх раёнах з парывамі 15-18 м/с.
Тэмпература паветра ноччу складзе 8-14 градусаў цяпла. Днём будзе 15-21 градус вышэй за нуль, па паўднёвым захадзе — да плюс 25.
