Мінск далучыцца да Адзінага дня бяспекі 25 верасня. У гэты дзень на тэрыторыі горада будуць працаваць спецыяльныя навучальныя пляцоўкі, на якіх кожны ахвотны зможа навучыцца асновам аказання першай дапамогі, а таксама атрымаць практычныя навыкі бяспечных паводзін, паведамляе агенцтва «Мінск-Навіны».
У арганізацыі мерапрыемстваў бяруць удзел супрацоўнікі МНС, МУС, Міністэрства аховы здароўя і Беларускага таварыства Чырвонага Крыжа.
Гараджанам раскажуць, як дзейнічаць пры задымленні, якім чынам выкарыстоўваць вогнетушыцелі, як правільна эвакуявацца з памяшканняў і дапамагаць іншым. У Мінску запланавана работа дзевяці навучальных пунктаў. На кожнай з іх прадугледжана работа інструктараў і спецыялістаў. Наведаць іх можна па наступных адрасах:
- вул. Шчадрына, 46а (Маскоўскі раён);
- вул. В. Харужай, 7 (Цэнтральны раён);
- пр. Незалежнасці, 154 (Першамайскі раён);
- вул. З. Бядулі, 7 (Савецкі раён);
- вул. Прытыцкага, 156 (Фрунзенскі раён);
- вул. Казінца, 121а, к. 1 (Маскоўскі раён);
- пр. Дзяржынскага, 104 (Ленінскі раён);
- вул. Дзянісаўская, 8 (Партызанскі раён);
- вул. Убарэвіча, 77 (Заводскі раён).
Для падтрымкі гэтай работы на афіцыйным сайце МНС размешчаны спецыялізаваны раздзел, дзе можна знайсці відэаўрокі, аўдыяматэрыялы, плакаты, памяткі і метадычныя рэкамендацыі. Гэтыя рэсурсы прызначаны як для работнікаў, так і для кіраўнікоў арганізацый, якім неабходна арганізаваць навучальныя мерапрыемствы ўнутры сваіх калектываў.
