Як адзначаюць даследнікі, асноўная праблема звычайных папяровых кубачкаў — тонкі ўнутраны пласт поліэтылену, які робіць іх непрыдатнымі для перапрацоўкі. У новай тэхналогіі выкарыстоўваецца біяпалімер, які забяспечвае герметычнасць, устойлівасць да вадкасцяў і тэмпературы — без шкоднага пластыка.

Працэс распрацоўкі быў працяглым: ад выбару складу пакрыцця да дасягнення патрэбнай таўшчыні пласта, якая забяспечвае надзейную абарону і захоўвае ўласцівасці пакавання. У лабараторыях вучоныя гадамі адточвалі формулу, якая дасць магчымасць маштабаваць вытворчасць экалагічнай прадукцыі.

Зараз праект знаходзіцца на стадыі дапрацоўкі і тэсціравання, але вучоныя ўпэўненыя — экалагічныя кубачкі хутка з’явяцца ў беларускіх кафэ і ўстановах грамадскага харчавання.