«У вельмі спякотны летні дзень з кожнага квадратнага метра воднай паверхні можа выпарацца 6-7 л вады. Калі экстрапаляваць гэты паказчык на велізарную агульную плошчу возера Гарда, атрымліваюцца каласальныя аб’ёмы вады, якія проста сыходзяць у атмасферу», — растлумачыў кліматолаг Карстэн Брант.

Паводле справаздачы італьянскай газеты L’Arena, на дадзены момант возера Гарда страчвае каля 7,4 млрд л вады штодня.

Паводле слоў метэаролага Дамініка Юнга, акрамя выпарэння, падзенне ўзроўню вады таксама стала вынікам нізкага прытоку і павялічанага забору вады для сельскагаспадарчых патрэб.

Анамальная спякота, з якой зараз сутыкнулася Еўропа, стала рэкорднай за ўсю гісторыю метэаназіранняў на кантыненце. У Францыі, Германіі, Італіі, Іспаніі і іншых еўрапейскіх краінах тэмпература перавысіла сярэднегадавыя летнія значэнні на 5-12 градусаў.