Ва ўзросце 114 гадоў загінуў у выніку ДТЗ Фаўджа Сінгх — самы ўзроставы марафонец з Індыі. Ён быў вядомы тым, што прабег 10 кіламетраў у 101 год. Пра гэта паведамляе «Мінская Праўда». Сінгха збіў аўтамабіль, калі ён пераходзіў праезную частку.
Нарадзіўся Фауджа Сінгх 1 красавіка 1911 года. Да пяці гадоў ён не мог хадзіць, але пазней захапіўся бегам. Сур’ёзна займацца спортам ён пачаў у 89 гадоў, калі жыў у Вялікабрытаніі. За сваю незвычайную актыўнасць і энергічнасць ён атрымаў мянушку «тарнада ў турбане».
