Новым генеральным дырэктарам камунальнага транспартнага ўнітарнага прадпрыемства «Мінсктранс» прызначаны Канстанцін Галалобаў. Пра гэта стала вядома падчас аператыўнай нарады ў Мінгарвыканкаме, паведамляе БелТА.
На нарадзе было адзначана, што Канстанцін Галалобаў пачаў сваю кар’еру ў «Мінсктрансе» з пасады вадзіцеля аўтамабіля ў філіяле «Аўтобусны парк № 7». Паступова ён прасоўваўся па кар’ернай лесвіцы і дасягнуў пасады першага намесніка генеральнага дырэктара — галоўнага інжынера «Мінсктранса». Цяпер ён узначальвае сталічнае прадпрыемства.
