Прэзідэнт Беларусі Аляксандр Лукашэнка падчас рабочай паездкі ў Брэсцкую вобласць патлумачыў, з чым звязана рашэнне накіроўваць у армію нядобрасумленных работнікаў уборачнай, паведаміла БелТА.
«Гэта не для таго, каб запалохаць кагосьці або папоўніць вайсковыя рады. Калі ты не хочаш працаваць на гэтай рабоце, мы цябе праверым на іншай. Нармальнай мужчынскай і жаночай працы — у арміі. Там камары, мошкі і іншае. Хай там паслужаць. Гэта не нейкі здзек з людзей, мы проста даём магчымасць праявіць сябе на іншай рабоце — мужчынскай складанай рабоце», — растлумачыў кіраўнік дзяржавы.
