Алег Жыдкоў нагадаў, што ўборка цукровых буракоў стартавала ўжо ў канцы жніўня. Ураджай атрыманы дастаткова добры. Па прагнозах аграрыяў, ён перавысіць 5,5 млн т, што запатрабуе дадатковых намаганняў для таго, каб аператыўна і без страт перапрацаваць. 

«Работа сінхронна будуецца на ўсіх этапах ад поля да прадпрыемства. Пачынаючы ад транспарціроўкі, складзіравання да падачы на перапрацоўчыя магутнасці працэс павінен быць бесперапынным», — адзначыў Алег Жыдкоў. 

Цукровыя заводы праводзяць мадэрнізацыю і здольныя сёння перапрацоўваць больш як 40 тыс. т цукровых буракоў за суткі. Скарачаецца час перапрацоўкі, аптымізуюцца затраты, якія з гэтым звязаны, зніжаюцца страты ад позніх перыядаў перапрацоўкі.

«Ужо перапрацавалі больш за 1,8 млн т цукровых буракоў. Па дынаміцы да мінулага года ідзём з апярэджаннем. Вырабілі больш за 280 тыс. т цукру. Аб’ёмы вытворчасці сведчаць аб тым, што павінны атрымаць не менш як 700 тыс. т. Гэтага будзе дастаткова не толькі для ўнутранага спажывання жыхарамі і перапрацоўчымі прадпрыемствамі, якія выкарыстоўваюць цукар у якасці сыравіны, але і для таго, каб закласці нядрэнны экспартны патэнцыял», — адзначыў Алег Жыдкоў.