Аляксандр Лукашэнка адзначыў, што часам навакольная абстаноўка ў Мінску стварае «жудаснае ўражанне». Размова аб перагружанасці прыдамавых тэрыторый асабістым аўтатранспартам. «Стаіць дом, перад ім сквер да праезнай часткі — добра, прыгожа. Але гэта рэдкасць. А ў іншых выпадках — гэта акіян аўтамабіляў. Брудныя недзе, замызганыя, — сказаў Прэзідэнт. — Ну не вельмі прыгожа, калі будынак патанае ў чарадзе гэтых аўтамабіляў. Нам трэба думаць, што нам рабіць. Нікуды не дзенемся ад аўтамабіляў. Але трэба думаць, што нам рабіць з гэтымі стаянкамі. Перад домам, каля дома ўсё ж такі людзі павінны дыхаць чыстай прыродай — (там павінны быць. — Заўвага БелТА) дрэвы, кусты, кветкі, клумбы і гэтак далей».

Кіраўнік дзяржавы прапанаваў падумаць, як дзейнічаць, каб на перспектыву разгрузіць тэрыторыі вакол дамоў і размясціць аўтатранспарт недзе далей. «Паступова, не заўтра, не забаронамі. А аднесці гэтыя стаянкі куды-небудзь далей. Каб людзі маглі, асабліва дзеткі, выйсці, старыя — пасядзець на лавачцы. Таму добраўпарадкаванне — пытанне для Мінска вельмі важнае», — падкрэсліў Аляксандр Лукашэнка.