Як адзначылі спецыялісты, актыўная вобласць 4197, хуткі рост і выключныя памеры якой прыцягваюць да сябе цяпер увагу ўсіх сусветных цэнтраў касмічнага надвор’я, выйшла сёння ноччу на цэнтральны сонечны мерыдыян, гэта значыць дакладна на лінію Сонца — Зямля. У бліжэйшыя двое сутак будзе прадстаўляць найбольшую небяспеку для планеты за ўвесь час свайго існавання.

Па дадзеных навукоўцаў, у каталогах актыўная вобласць атрымала катэгорыю Beta-Gamma-Delta. Гэта значыць, што яна дасягнула вышэйшага ўзроўню складанасці і памеру, які можа быць у групы плям на Сонца. Яшчэ 29 жніўня цэнтр меў катэгорыю Beta-Gamma, адзначылі ў лабараторыі.

Навукоўцы адзначылі, што пакуль не было зафіксавана ніводнай значнай успышкі нягледзячы на тое, што там відавочна велізарныя запасы энергіі. Пакуль толькі назіраецца інтэнсіўны разагрэў навакольнай кароны, у выніку якога яе цеплавое выпраменьванне за апошнія некалькі дзён вырасла ў тры-пяць разоў.