Набор на яе стартуе ў 2026/2027 навучальным годзе, ён будзе ажыццяўляцца на бюджэтнай аснове, а пасля заканчэння навучання выпускнікі атрымаюць кваліфікацыю «эколаг, інжынер» і змогуць працаваць у дзяржорганах, навуковых інстытутах, на прамысловых прадпрыемствах і ў IT-сектары.

Унікальнасць новай спецыяльнасці заключаецца ў міждысцыплінарным падыходзе, які спалучае фундаментальную падрыхтоўку эколагаў-інжынераў з засваеннем IT-тэхналогій. Студэнты будуць вывучаць высокаўзроўневыя мовы праграмавання, статыстычныя метады апрацоўкі даных, асновы штучнага інтэлекту. 

«Рашэнне аб адкрыцці новай спецыяльнасці звязана з пастаянным удасканаленнем дзяржпалітыкі Беларусі ў галіне аховы навакольнага асяроддзя і зялёнай эканомікі. Дадзеныя прынцыпы адлюстраваны ў шэрагу нарматыўных прававых дакументаў. У іх ліку Праграма сацыяльна-эканамічнага развіцця Беларусі на 2026—2030 гады. Такая тэндэнцыя стварае асаблівую патрэбу айчынных арганізацый у кваліфікаваных спецыялістах, здольных забяспечваць выкананне экалагічнага заканадаўства», — расказалі ў ВНУ.

Акрамя таго, у новым навучальным годзе БДУ адкрые дзве сумесныя праграмы з расійскімі ўніверсітэтамі: па спецыяльнасцях «Дзяржаўны аўдыт» і «Дзяржаўны фінансавы кантроль і лічбавае казначэйства» (з фінансавым універсітэтам пры ўрадзе РФ), а таксама «Прыкладная фізіка» і «Тэхнічная фізіка» (з МДТУ імя Н. Э. Баўмана)