Завяршылася маштабная рэканструкцыя будынкаў былога тэрапеўтычнага і хірургічнага аддзяленняў Ваўкавыскай ЦРБ, зараз тут будзе функцыянаваць дзіцячая паліклініка.
Колькасць наведванняў за змену павялічыцца ў 7 разоў — з ранейшых 50 да 350. Разгорнуць работу 10 педыятрычных участкаў, усе вузкапрофільныя спецыялісты. Будуць функцыянаваць Міжраённы цэнтр ранняга ўмяшання і Цэнтр дружалюбнага падлетка.
На першым паверсе знаходзіцца кабінет неадкладнай дапамогі, дзе заўсёды будзе дзяжурыць педыятр. Кабінет укамплектаваны ўсім неабходным для экстранай медыцынскай дапамогі.
Агульны каштарысны кошт аб’екта складае каля 9 мільёнаў рублёў, праведзена закупка неабходнага новага абсталявання, аргтэхнікі і мэблі.
Фота Пул 4 Рэгіён
