Мэта праекта — фарміраванне беражлівых адносін да навакольнага асяроддзя, прыродных рэсурсаў і павышэнне экалагічнай пісьменнасці дзяцей і моладзі. Урачыстая прэзентацыя адбылася ў галоўным корпусе БНТУ. Лакацыя абрана не выпадкова. ВНУ з’яўляецца кузняй высокакваліфікаваных кадраў у галіне горнай справы і інжынернай экалогіі, энергетыкі і інш. Многія яго былыя студэнты пасля выпуску з альма матэр уладкоўваюцца на працу ў ведамствы сістэмы Мінпрыроды. Так, толькі ў НПЦ па геалогіі сёлета плануюць паступіць 45 маладых спецыялістаў.

— Ахова навакольнага асяроддзя — гэта прэрагатыва і задача не толькі дзяржавы і бізнесу, але і адказнасць кожнага. Чыстая вада, чыстае паветра, багатая біяразнастайнасць — якраз тыя фактары, якія мы сумеснымі намаганнямі павінны берагчы і памнажаць, каб перадаць будучаму пакаленню. З акцэнтам на гэтую ідэю мы даем сёння старт гэтаму праекту, — адзначыў міністр прыродных рэсурсаў і аховы навакольнага асяроддзя Сяргей МАСЛЯК.

Сапраўды, сёння ў прыродаахоўным ведамстве сумесна з Мінадукацыі вядзецца планамерная работа па ўключэнні моладзі ў экаасветніцкія праекты — ад дзіцячых садоў да ВНУ і фарміравання перспектыўнага рэзерву маладых спецыялістаў, якія ў будучым уладкуюцца на працу ва ўстановы сістэмы Мінпрыроды.

У 2024 годзе было падпісана пагадненне аб супрацоўніцтве паміж Мінпрыроды і Мінадукацыі, а таксама 9 дарожных карт паміж вядучымі ВНУ Беларусі, адной з якіх з’яўляецца БНТУ.

— Сёння многія пытанні экалогіі ва ўсім свеце з’яўляюцца сур’ёзнай праблемай. Шэраг краін, калі наведваюць нашу Беларусь, адзначаюць, што ў нас гэтыя праблемы шмат у чым вырашаны. Чаму? З аднаго боку, у нас ужо ўвайшло ў звычку даглядаць за сваёй радзімай. З другога, мы займаемся пытаннямі экалогіі. Тэхналагічныя працэсы па здабычы карысных выкапняў наносяць істотную шкоду навакольнаму асяроддзю і чалавеку. Трэба шукаць інжынерныя рашэнні, якія выправяць гэтую сітуацыю. Таму гэтая сустрэча для студэнтаў нашага ўніверсітэта вельмі важная, бо мы рыхтуем кадры, якія язаймаюцца пытаннямі прамысловай экалогіі. Гэта наша тэма, — падкрэсліў рэктар БНТУ Сяргей ХАРЫТОНЧЫК і выказаў упэўненасць, што мерапрыемства дапаможыць навучэнцам хутчэй углыбіцца ў прафесію, каб сваёй працай унесці уклад у развіццё і вырашэнне пытанняў экалагівыхавання і экабяспекі Беларусі.

Падчас прэзентацыі прадстаўнікі ведамстваў сістэмы Мінпрыроды расказалі аб асноўных напрамках дзейнасці сваіх устаноў, сучасных падыходах да падтрымання экабяспекі і адказалі на пытанні бучых маладых спецыялістаў.

— Выпускнікі інжынерных спецыянасцей актыўна ўдзельнічаюць у вырашэнні пытанняў экалогіі, бо і праектаванне, і выпрацоўка тэхналогій зараз першым чынам павінны весціся з улікам забеспячэння бяспекі вытворчасці чалавека і навакольнага асяроддзя. Сёння мы ўжо выраслі да такой ступені, што гэтыя пытанні ў нас знаходзяцца ў полі зроку, — дадаў кіраўнік БНТУ.

Фота Лізаветы ГОЛАД