У «Рызоны» больш развітая каранёвая сістэма, што дапамагае расліне здабываць ваду нават на бедных глебах, дзе іншым сартам не хапае жыўлення. Акрамя таго, сорт устойлівы да шэрагу небяспечных хвароб: снежнай цвілі, мучністай расы і спарынні. Мае моцнае сцябло, з-за чаго жыта радзей палягае ад моцнага ветру або ліўняў.

Расліна дэманструе ўстойлівасць да перадуборачнага прарастання збожжа: калі перад зборам ураджаю пойдуць дажджы, збожжа не пачне прарастаць непасрэдна ў коласе, і страты будуць мінімальнымі.

«Заслугоўваюць пахвалы і хлебапякарныя якасці „Рызоны“. Спецыялісты ацэньваюць іх па спецыяльных паказчыках. Напрыклад, „колькасць падзення“ ў гэтага сорту складае 290 секунд — гэта сведчыць аб добрай якасці мукі. А паказчык „вышыня амілаграмы“ роўны 549 адзінкам амілографа, што адпавядае муцэ першага класа, з якой атрымліваецца смачны і духмяны хлеб», — адзначылі ў прэс-службе.

Ураджайнасць сорту дасягае 107 ц/га — гэта высокі рэзультат для жыта. Пры гэтым «Рызона» добра расце нават на нізкаўрадлівых глебах з няўстойлівым водным рэжымам: там, дзе іншыя культуры даюць слабы ўраджай, гэты сорт здольны паказаць высокі рэзультат.

«Са з’яўленнем „Рызоны“ абнавіўся спіс дазволеных да вырошчвання сартоў, што дапаможа аграрыям атрымліваць прагназуема высокія ўраджаі нават у складаных геаграфічных умовах надвор’я, а спажыўцам — быць упэўненымі ў бездакорнай якасці мукі і хлеба», — падкрэслілі ў прэс-службе міністэрства.