Асаблівую ўвагу гродзенцаў прыцягнуў доўгачаканы запуск новай дарогі да мікрараёна Альшанка. Траса Н-6038 Гродна — Старадубавая — Адэльск была поўнасцю мадэрнізавана і пераўтворана ў сучасную гарадскую магістраль. Гэта падзея стала сапраўдным святам для жыхароў, якія зараз могуць больш камфортна і хутка дабірацца да сваіх дамоў і работы. Старшыня Гродзенскага аблвыканкама Юрый Караеў адзначыў, што дзякуючы намаганням будаўнікоў цэнтральная частка горада стала менш загружанай, а новая дарога адпавядае ўсім тэхнічным стандартам. Прадугледжаны якаснае пакрыццё праезнай часткі, тактыльныя элементы для людзей з парушэннямі зроку, сучасныя святлафорныя сістэмы і акуратныя абочыны.

У абласным цэнтры адбылася яшчэ адна важная падзея — адкрыццё Гродзенскага абласнога клінічнага цэнтра «Фтызіятрыя». Таксама былі адкрыты палатны хірургічны корпус і лабараторна-дыягнастычны корпус, размешчаныя ў абласным клінічным анкалагічным дыспансеры. Гэтыя аб’екты забяспечаць высокі ўзровень медыцынскай дапамогі і палепшаць якасць жыцця пацыентаў. А ў Слонімскім раёне адкрыўся кабінет МРТ у раённай цэнтральнай бальніцы, які значна павысіць даступнасць якаснай медыцынскай дыягностыкі для мясцовых жыхароў.

У Астравецкім раёне адбылося адкрыццё малочнатаварнага комплексу «Дравенікі» КСУП «Гудагай». Гэта першы з 10 інвестыцыйных праектаў, накіраваных на будаўніцтва сучасных вытворчых аб’ектаў. Праекты рэалізуюцца ў адпаведнасці з Указам Прэзідэнта Рэспублікі Беларусь у рамках маштабнай праграмы мадэрнізацыі і будаўніцтва малочнатаварных комплексаў. У Іўеўскім раёне пасля рэканструкцыі адкрыўся МТК на 900 галоў, што таксама сведчыць аб імкненні да развіцця сельскай гаспадаркі і павышэнні яе эфектыўнасці.

Вераніка Казлоўская