Як растлумачыў старшыня Мінгарвыканкама Уладзімір Кухараў, некалькі гадоў таму, прааналізаваўшы сітуацыю ў сістэме аховы здароўя, гарадскія ўлады вызначыліся, якія аб’екты трэба кропкава прывесці ў парадак, а дзе — пабудаваць новыя. Рашэнні пры гэтым прымаліся не агульным чохам, а зыходзячы з рэальнай неабходнасці, рацыянальнага падыходу. «Было вызначана, каб у нейкіх клінічных бальніцах не будаваць новае, а рабіць проста прыбудову, дадаць аддзяленні, недзе — дадаць урачоў. А калі нешта будаваць новае, мы перапрацавалі ўсе праекты для таго, каб яны былі кампактнымі, не было вялікіх фае, калідораў, а толькі тое, што трэба для працы», — агучыў агульныя прынцыповыя падыходы кіраўнік Мінгарвыканкама.

«Бачым, што ўжо няма неабходнасці паліклінікі, бальніцы будаваць новыя і рэканструяваць тыя, якія ёсць. Мы зрабілі гэту работу», — падкрэсліў ён і прывёў шэраг прыкладаў.

Новая паліклініка пабудавана ў Сухараве, амбулаторыя — у Сокале. У Лошыцы з улікам росту мікрараёна і ўвядзення ў строй новых дамоў патрабавалася асобная дзіцячая паліклініка, і яна ўведзена ў эксплуатацыю. Дзіцячая і дарослая паліклінікі з’явіліся ў «Мінск-Міры», і, як лічаць улады сталіцы, там пакуль няма неабходнасці будаўніцтва медустаноў. Рэканструявана і працуе 13-я гарадская паліклініка. У мікрараёне Усходні з удзелам кіраўніка дзяржавы адкрыта 42-я паліклініка. Ёсць упэўненасць, што яе з’яўленне было неабходна з улікам росту колькасці насельніцтва раёна і планаў па будаўніцтве новых дамоў. На месцы даўгабудаў, якія існавалі тут, улады Мінска разлічваюць узвесці тры дамы — для шматдзетных, для тых, хто мае патрэбу ў жыллі, і ў якасці арэнднага жылля.