Кожны трамвай аснашчаны клімат-кантролем і відэаназіраннем, сучаснымі сістэмамі бяспекі, мае нізкую падлогу і апарэлі для маламабільных пасажыраў. Аўтаномны ход у яго — да 20 км.

Умяшчальнасць — 36 сядзячых і 120 стаячых месцаў.

Жыхары Паўладара ўжо карыстаюцца электратранспартам беларускай вытворчасці.

«БКМ Холдынг» (таксама вядомы як «Белкамунмаш») — адзін з вядучых вытворцаў наземнага гарадскога электрычнага транспарту ў краінах СНД. Прадпрыемства ажыццяўляе распрацоўку, вытворчасць, рэалізацыю, мадэрнізацыю і тэхнічнае абслугоўванне тралейбусаў, трамваяў, электробусаў, грузавых электрамабіляў і зарадных станцый.