Падчас праверкі адной з прыватных кампаній у абласным цэнтры ў продажы былі выяўленыя школьныя блузкі для дзяўчынак і штаны для хлопчыкаў кітайскай вытворчасці. Па выніках праверкі было ўстаноўлена, што дадзеныя вырабы не адпавядаюць патрабаванням ТР МС 007/2011 «Аб бяспецы прадукцыі, прызначанай для дзяцей і падлеткаў». Так, паказчык «гіграскапічнасць» пры норме не менш за 7% для вырабаў другога пласта школьнай групы склаў 1,2-1,3% у блузках і 6,3% — у штанах. Акрамя гэтага, паказчык «паветрапранікальнасць» у адной з блузак апынуўся амаль у тры разы ніжэй за норму.

Таксама ў асартыменце гандлёвага аб’екта былі прадстаўлены жаночыя блузкі і мужчынскія кашулі кітайскай вытворчасці. Па выніках праверкі ўстаноўлена, што прадукцыя не адпавядае патрабаванням ТР МС 017/2011 «Аб бяспецы прадукцыі лёгкай прамысловасці». Паветрапранікальнасць вырабаў таксама апынулася ніжэй устаноўленай нормы ў некалькі разоў.

Дзяржстандарт забараніў увоз і рэалізацыю гэтых вырабаў на тэрыторыі краіны.