У Гродзенскім раёне 66-гадовы мужчына паўстане перад судом па абвінавачанні ў замаху на забойства. Як паведамілі ў Следчым камітэце, трагедыя ледзь не здарылася 10 ліпеня падчас застолля. Аб гэтым піша Мінская праўда.
Падчас распівання спіртнога паміж гаспадаром дома і яго 62-гадовым госцем успыхнуў канфлікт. У разгар сваркі фігурант схапіў нож і нанёс не менш за пяць удараў у шыю апаненту. Усвядоміўшы зробленае, ён звярнуўся па дапамогу да знаёмых, якія выклікалі хуткую.
Пацярпелага тэрмінова шпіталізавалі, і дзякуючы своечасова аказанай медыцынскай дапамозе ён застаўся жывы.
Супраць падазраванага распачата крымінальная справа па артыкуле «Замах на забойства». Ён даў прызнальныя паказанні і ўзяты пад варту.
Фота з адкрытых крыніц
