Супрацоўнікі АДАІ Лоеўскага РАУС на аўтадарозе Рэчыца — Лоеў каля в.Марс спынілі аўтамабіль ЗІЛ, якім кіраваў 62-гадовы жыхар Гомеля. Фізічны стан мужчыны выклікаў у інспектараў падазрэнне.

За непрыцягненне да адказнасці парушальнік прапанаваў супрацоўнікам Дзяржаўтаіспекцыі грошы. На неаднаразовае папярэджанне аб крымінальнай адказнасці за дачу хабару службовай асобе пры выкананні ім абавязкаў вадзіцель не рэагаваў і паклаў на сядзенне службовага аўтамабіля Br1,6 тыс.

Медыцынскі агляд пацвердзіў алкагольнае ап’яненне — 2,2 праміле. Узбуджана крымінальная справа, аўтамабіль змешчаны на ахоўную стаянку.