«Значнае павышэнне цэн на тую ці іншую прадукцыю, адсутнасць тавараў, недастатковы іх асартымент, неналежная якасць, нараканні на працу гандлёвага аб’екта, іншыя нестандартныя сітуацыі на спажывецкім рынку — жыхары Мінскай вобласці могуць паведаміць пра гэта ў грамадскую прыёмную, якая будзе працаваць кожны чацвер з 11.30 да 20.30. Кожны зварот будзе прааналізаваны», — паведамілі ў аб’яднанні.

Жыхары вобласці могуць звяртацца па адрасе: г. Мінск, пл. Свабоды, 23, або па тэлефоне: +375 (44) 583-65-41.

У выпадку, калі ўказаны дзень прыпадае на святочны (нерабочы), то праца грамадскай прыёмнай прафсаюзаў пераносіцца на першы рабочы дзень, наступны за ім.