Па прыбыцці Прэзідэнта і Старшыні УНС Аляксандра Лукашэнкі мерапрыемства пачалося з выканання Дзяржаўнага гімна Беларусі.

Галоўная падзея першага дня чарговага пасяджэння УНС, якое праходзіць 18-19 снежня, — зварот Прэзідэнта з Пасланнем да беларускага народа і парламента.

Мерапрыемства транслюецца ў прамым эфіры на ўсіх галоўных тэлеканалах краіны і па радыё, а таксама на анлайн-рэсурсах.

У другі дзень пасяджэння УНС плануецца разгляд Праграмы сацыяльна-эканамічнага развіцця Беларусі на 2026-2030 гады. Гэта галоўны дакумент, які трэба будзе зацвердзіць дэлегатам. Праграму прадставіць Прэм’ер-міністр Аляксандр Турчын.

У праекце праграмы вызначана некалькі прыярытэтаў. Асноўныя з іх звязаны з развіццём чалавека: дэмаграфічная бяспека, развіццё чалавечага патэнцыялу, стварэнне спрыяльнага і якаснага асяроддзя для жыцця. Далей ідуць развіццё канкурэнцыі, тэхналогій, лічбавізацыі эканомікі. Яшчэ сярод прыярытэтаў — моцныя рэгіёны, развіццё абароннага сектара, павышэнне абараназдольнасці краіны, а таксама турыстычны патэнцыял.

У ліку іншых пытанняў парадку дня УНС — выбранне члена Прэзідыума УНС (замест Канстанціна Бурака, прызначанага ў красавіку 2025 года памочнікам Прэзідэнта — інспектарам па Гродзенскай вобласці). Прыняць гэтае рашэнне трэба будзе шляхам тайнага галасавання.

На пасяджэнні УНС таксама будуць разгледжаны кадравыя пытанні Канстытуцыйнага і Вярхоўнага судоў і пытанні, звязаныя з фінансаваннем сходу.

Лукашэнка: Беларусь у цяперашняй пяцігодцы ўзяла пастаўленую планку па экспарце, нягледзячы на санкцыі

«Мы дамовіліся: ніякіх спасылак на санкцыі! Не было часу мусоліць гэтыя тэмы, трэба было змагацца за кожны экспартны рубель. У 2020 годзе мы паставілі планку па нарошчванні экспарту — да $50 млрд. У выніку не проста атрымалі гэтую лічбу, але і працягнулі весці гандлёвыя адносіны амаль з 190 краінамі свету», — падкрэсліў беларускі лідар.

«Мы захавалі і прымножылі моцны рэальны сектар эканомікі, нічога не загубіўшы і не расплюхаўшы з савецкай спадчыны. У сусветным рэйтынгу канкурэнтаздольнасці прамысловасці займаем 56-ю пазіцыю сярод паўтары сотні краін», — сказаў Прэзідэнт.

«Мы зламалі створаны Захадам міф пра закрытасць і ізаляванасць нашай краіны, што пацвярджаюць любыя сусветныя рэйтынгі. Беларусь увайшла ў топ-50 самых наведвальных турыстамі краін (48-е месца)», — сказаў кіраўнік дзяржавы.

Ён адзначыў, што толькі ў бягучым годзе больш за 250 тыс. «дасведчаных» еўрапейцаў, якія прыехалі па бязвізе, асабіста пераканаліся ў бяспецы, утульнасці і прыгажосці Беларусі. «І гэта пры закрытых — больш за палову — пагранічных пунктах», — канстатаваў Аляксандр Лукашэнка.

Праграма «Адзін раён — адзін праект» будзе прадоўжана

«Паспяхова сябе зарэкамендавала ініцыятыва „Адзін раён — адзін праект“, даўшы больш за 6 тыс. новых працоўных месцаў у невялікіх гарадах і населеных пунктах. І далей дадзеная праграма будзе працягнутая, стане адной з ключавых у краіне», — сказаў Прэзідэнт.

«У ходзе Сходу нам трэба будзе вызначыць асноўныя напрамкі на наступныя пяць гадоў. Перш чым мы пазнаёмімся з распрацаваным урадам праектам, я хацеў бы нагадаць базавыя ўстаноўкі, якім павінен адпавядаць гэты дакумент — наша праграма. Яны ідуць ад жыцця і вельмі актуальныя. Аснова асноў-эканоміка. Гэта галоўная зброя ў сучасным свеце», — сказаў Прэзідэнт.

«Нам патрэбны базіс для выканання праграмы наступнай пяцігодкі, у якую закладзены амбіцыйныя планы і паказчыкі. Калі хочам стабільна выйсці на $100 млрд гадавога валавога ўнутранага прадукту і сярэднямесячную зарплату ў $1 тыс., павінны ўстойліва працаваць прадпрыемствы і фінансавая сістэма», — заявіў Аляксандр Лукашэнка.

«У будучым пяцігоддзі варта рэалізаваць мінімум 25 буйных інвестыцыйных праектаў у прамысловым сектары, — заявіў Аляксандр Лукашэнка. — Мы маем перспектыўныя задумкі і напрацоўкі: стварэнне беларускага цягніка ў Фаніпалі, айчыннага самалёта ў Баранавічах, рулоннага прэс-падборшчыка і даільнага робата, аднаўленне кампетэнцый у суднабудаванні на пінскім заводзе».