У маі 2026 года мінчанін распіваў дома спіртныя напоі і перачытваў навінавую стужку ў адной з сацсетак. Там ён убачыў публікацыю, якая змяшчала ўзгадванне пра Прэзідэнта Рэспублікі Беларусь. Разгарачаны алкаголем мужчына пакінуў пад ёй негатыўны і абразлівы каментарый з мэтай зняважыць гонар і годнасць кіраўніка дзяржавы ў сувязі з ажыццяўленнем ім сваіх паўнамоцтваў.

Асоба зламысніка была ўстаноўленая, у дачыненні да жыхара сталіцы распачалі крымінальную справу. Вядома, што ён знаходзіўся ў многіх групах і чатах экстрэмісцкай накіраванасці.

— Абвінавачаны раней да крымінальнай адказнасці не прыцягваўся, — пракаменціравала намеснік пракурора Заводскага раёна Алена Альхоўская. — Яму выстаўленае абвінавачванне ў публічнай абразе Прэзідэнта Рэспублікі Беларусь, гэта значыць, ва ўчыненні злачынства, прадугледжанага ч.1 арт. 368 КК, санкцыя якой — аж да чатырох гадоў пазбаўлення волі. Віну грамадзянін цалкам прызнаў, ва ўчыненым раскаяўся. У дачыненні да яго санкцыянаваная мера стрымання ў выглядзе заключэння пад варту.