У цэнтры ўвагі ўдзельнікаў калегіі быў экспартны патэнцыял беларускай аховы здароўя, медыцынскай адукацыі і фармацэўтыкі.

«Нам наступаюць на пяткі. Кожная дзяржава імкнецца стварыць уласныя вытворчасці, будзе абараняць свайго вытворцу. У гэтых умовах у нас павінна перабудавацца мысленне: неабходна вывучыць у першую чаргу запыты спажыўца з розных краін, думаць аб комплекснасці прапанаваных паслуг, а таксама трэба падлічваць на некалькі крокаў наперад, у ідэале — заняць свае ўласныя нішы», — адзначыла намеснік Прэм’ер-міністра.

Міністр аховы здароўя Аляксандр Хаджаеў падкрэсліў, што пры развіцці экспарту важна думаць не толькі аб краінах ЕАЭС, але і больш актыўна працаваць з дзяржавамі далёкай дугі. Сістэмнасць і нестандартныя падыходы — вось што павінна стаць асновай.

Наталля Пяткевіч дадала, што айчынная медыцынская адукацыя знаходзіцца на вельмі высокім узроўні. «Аднак яе неабходна больш актыўна пашыраць на знешніх рынках і адаптаваць пад патрэбнасці і стан аховы здароўя кожнай канкрэтнай краіны», — падкрэсліла віцэ-прэм’ер.