«Раней з-за розніцы вагагабарытных патрабаванняў перавозчыкам даводзілася адмаўляцца ад аптымальнай загрузкі. Цяпер бізнес зможа ажыццяўляць дастаўку грузаў па еўразійскіх транспартных калідорах без неабходнасці раздзялення партый тавараў і перамяшчэння часткі грузу на іншы транспартны сродак. Таксама перавозчыку не спатрэбіцца атрыманне дадатковага спецыяльнага дазволу, які патрабаваўся раней у выпадку дзеяння ў адной з дзяржаў больш нізкіх вагагабарытных параметраў», — пракаменціравалі дакумент у ЕЭК.

«Пагадненне, безумоўна, адыграе важную ролю ў зніжэнні транспартных выдаткаў і рацыянальным абслугоўванні грузапатокаў», — адзначыў член Калегіі (міністр) па энергетыцы і інфраструктуры ЕЭК эканамічнай камісіі Арзыбек Кажошаў.

Такім чынам, забяспечваецца тэхналагічнае адзінства больш як 14 тыс. км аўтамабільных дарог ЕАЭС. «Уступленне ў сілу пагаднення дало магчымасць устараніць яшчэ адну перашкоду, якая дзейнічае на ўнутраным рынку саюза, і наблізіла да стварэння агульнага рынку транспартных паслуг», — дадалі ў ЕЭК.