Для брэстчаўніна Аляксандра Бярэзіна жыццё — гэта не проста праца, а пастаянны пошук новых выклікаў. Яго хобі сведчыць пра непасрэдную цікавасць да жыцця: дайвінг, удзел у гістарычных рэканструкцыях, арганізацыя камандных мерапрыемстваў. Але гэтым разам ён паставіў перад сабой мэту значна больш маштабную — узняцца на найвышэйшую гару Еўропы.

Нядаўна Аляксандр разам з групай альпіністаў з Беларусі і Расіі здзейсніў паспяховае ўзыходжанне на Эльбрус. Вышыня гэтай вяршыні — 5642 метры, і не кожны здольны вытрымаць падобнае выпрабаванне. «Было цяжка і фізічна, і маральна. На ўласныя вочы бачыў трагедыю — абрыў канатнай дарогі. Але я не спыніўся. Мая мэта была — сам факт узняцця, — прызнаецца Бярэзін. — Я даў слова калегам, што сцяг РУП „Брэстэнерга“ ўздыму над самым высокім пунктам Расіі і Еўропы», — цытуе словы Бярэзіна «БрэстСІЦІ».

Абяцанне ён выканаў. Сцяг сапраўды ўзвіўся над заснежанай вяршыняй Эльбруса. Так Аляксандр Бярэзін дадаў да свайго спісу дасягненняў яшчэ адзін радок — тытул пакарыцеля Эльбруса. А разам з ім — незабыўныя ўражанні, унікальныя фатаграфіі і глыбокае адчуванне перамогі над сабой.

Яго гісторыя — гэта прыклад для тых, хто не баіцца марыць і гатовы ісці да мэты, нават калі шлях вядзе праз мароз, вецер і выпрабаванні чалавечай трываласці.

Міхаіл ДАНІЛКОВІЧ