У пасяджэнні прынялі ўдзел старшыня Брэсцкага аблвыканкама Пётр Пархомчык, старшыня Пастаяннай камісіі Савета Рэспублікі Нацыянальнага сходу па заканадаўстве і дзяржаўным будаўніцтве, упаўнаважаны кіраўніка дзяржавы ў Брэсцкай вобласці Міхаіл Русы, памочнік Прэзідэнта — інспектар па Брэсцкай вобласці Аляксандр Ломскі.

«Пытанне архіважнае — даручэнне кіраўніка дзяржавы. Трэба разлічыць усё да рубля», — падкрэсліў Анатоль Сівак. Ён акцэнтаваў увагу: мост павінен палепшыць жыццё палешукоў.

Аўтатранспартам са Століна да Лунінца можна дабрацца праз Пінск (даўжыня маршруту 127 км) і Жыткавічы (172 км). Па мясцовых дарогах прамая адлегласць паміж двума райцэнтрамі Брэсцкай вобласці складае 46 км праз паромную пераправу. Яна функцыянуе толькі ў цёплы перыяд. Пры гэтым пераправіць цяжкавагавую буйнагабарытную тэхніку нельга. Будаўніцтва моста забяспечыць круглагадовыя транспартныя зносіны паміж Столінам і Лунінцом па кароткім шляху. Акрамя гэтага, з’явіцца прамы аўтадарожны выхад са Століна на Мінск, Баранавічы, Гродна. Пры рэалізацыі праекта будуць вырашаны стратэгічныя сацыяльныя і эканамічныя задачы, павысіцца турыстычная прывабнасць Палескага рэгіёна. 

Спецыялісты вызначылі магчымае месца размяшчэння будучага моста і два варыянты падыходаў да яго. Разглядаецца шырыня маставога габарыту 8 м або 10 м.пралёты плануюцца металічныя. Агульная даўжыня маставога пераходу складзе каля 500 м.Вышыня подмостового габарыту можа дасягаць 12 м у сувязі з тым, што на гэтым участку Прыпяці ІV клас воднага шляху. 

Спецыялістам трэба ўлічыць мноства аспектаў, звязаных з асаблівасцю мясцовасці, ладам жыцця людзей, геаграфічным становішчам рэгіёну. «Калі будуем, то трэба зазірнуць на 50 гадоў наперад», — перакананы Міхаіл Русы. 

Удзельнікі пасяджэння выехалі на месца і агледзелі пад’язныя дарогі да будучага моста. Яго прапануюць пабудаваць паміж паромнай пераправай «Кароб’е» і чыгуначным мостам.