«22 чэрвеня 2026 года на 90-м годзе пайшоў з жыцця народны артыст РСФСР, лаўрэат Дзяржаўнай прэміі РСФСР, драматург, паэт, пісьменнік, член Саюза кінематаграфістаў Расіі, член Саюза пісьменнікаў Расіі, член Гільдыі акцёраў кіно Расіі Ножкін Міхаіл Іванавіч», — адзначаецца ў паведамленні саюза.

Яго ролі ў фільмах «Хаджэнне па пакутах», «Памылка рэзідэнта», «У пачатку слаўных спраў» і «Юнацтва Пятра», «Адзіночнае плаванне», «Вызваленне» выхоўваюць чалавечнасць і бязмежную любоў да Радзімы, заўважылі ў Гільдыі акцёраў.

Міхаіл Ножкін нарадзіўся 19 студзеня 1937 года ў Маскве, скончыў будаўнічы тэхнікум і студыю «Юнацтва» Усерасійскай творчай майстэрні эстраднага мастацтва. З’яўляецца аўтарам песень розных жанраў, многія яго работы прысвечаны Вялікай Айчыннай вайне. Адна з яго найбольш вядомых песень «Апошні бой» прагучала ў кінафільме «Вызваленне».

У амплуа кінаакцёра Міхаіл Ножкін дэбютаваў у 1968 годзе ў ролі разведчыка Паўла Сініцына ў карціне Веніяміна Дормана «Памылка рэзідэнта», песня з якой «Я ў вясновым лесе піў бярозавы сок» прынесла акцёру ўсесаюзную вядомасць і ў якасці выканаўцы.