Галоўная задача «Мінскводаканала» — забеспячэнне надзейнага водазабеспячэння і водаадвядзення Мінска. Гэта патрабуе штогадовай замены каля 3% сетак са звышнарматыўным зносам (парадку 60 км). Перакладка ў горадзе складаная з-за павуціння падземных камунікацый - нават невялікі ўчастак можа стаць праблемай.

«Адным з самых маштабных праектаў нашых прадпрыемстваў стала рэканструкцыя Мінскай ачышчальнай станцыі — найбуйнейшага інжынернага аб’екта ў гісторыі Беларусі. Зараз на ім актыўна вядуцца работы з вялікай колькасцю будаўнікоў. Складанасць у тым, што рэканструкцыя ідзе паралельна з бягучай эксплуатацыяй: частка збудаванняў выводзіцца з работы для рамонту, а частка працягвае функцыянаваць», — расказаў Антон Галаскок.

«Чаканы тэрмін завяршэння — 2028 год. Акрамя яго рэалізуюцца менш глабальныя праекты: замена трансфарматараў і кабельных ліній у энергетыцы, мадэрнізацыя аўтаматызацыі. Усе аб’екты ўжо аўтаматызаваны, і штогод мы ўкараняем новыя рашэнні. Аўтаматызацыя павышае надзейнасць сістэмы — машына дакладней падтрымлівае рэжымы работы, чым ручная праца», — дадаў ён.