Гэты паказчык стаў лепшым вынікам у гісторыі АдГ на нямецкіх рэгіянальных выбарах — партыі ўдалося падвоіць сваю падтрымку ў параўнанні з папярэднімі выбарамі пяцігадовай даўнасці. 

Другое месца заняў Хрысціянска-дэмакратычны саюз канцлера Фрыдрыха Мерца, страціўшы больш за палову галасоў у параўнанні з 2021 годам. Хрысціянскія дэмакраты набралі 17,2% галасоў, што з’яўляецца найгоршым вынікам для ХДС у Саксоніі-Анхальт за ўвесь час. Кандыдаты ад кансерватараў не змаглі атрымаць перамогу ні ў адной з выбарчых акруг па прамых мандатах.

Трэцяй стала Сацыял-дэмакратычная партыя Германіі (СДПГ), якую падтрымалі 9,3% удзельнікаў галасавання. За партыю «зялёныя» прагаласавалі 8,9% выбаршчыкаў, за Левую партыю — 8,6%. У зямельны парламент таксама праходзіць партыя BSW («Саюз Сары Вагенкнехт — за розум і справядлівасць»), якая набрала 5,3% галасоў.

Правам голасу ў Саксоніі-Анхальт валодалі каля 1,7 млн чалавек. Яўка апынулася рэкорднай для рэгіёну з часу аб’яднання Германіі-на ўчасткі прыйшлі каля 77,8% выбаршчыкаў.