Спецыялісты дзяржаўнага санітарнага нагляду выявілі ў продажы партыю сланечнікавай халвы, якая не адпавядае патрабаванням бяспекі. Пра гэта паведамілі ў санітарна-эпідэміялагічнай службе Гомельскай вобласці.
Падчас праверкі ў Ельскім раёне высветлілася, што ў халве «Эканом» перавышана дапушчальнае ўтрыманне кадмію — цяжкага металу, які пры назапашванні ў арганізме можа ўяўляць небяспеку для здароўя.
Гаворка ідзе пра партыю сланечнікавай халвы вагой 350 грамаў з датай вырабу 28 лютага 2026 года і тэрмінам прыдатнасці да 28 кастрычніка 2026 года.
Прадукцыю вырабіла расійскае ТАА «Азоўская кандытарская фабрыка». Імпарцёрам у Беларусь выступае ТАА «Здаровы прадукт»
