У Бангладэш сама меней 25 чалавек загінулі ў выніку падзення пасажырскага аўтобуса ў раку Падма. Аб гэтым паведамляе мясцовае выданне The Daily Star са спасылкай на прадстаўніка пажарнай службы і грамадзянскай абароны. Расказала БелТА.
Аўтобус з пасажырамі ўпаў у раку ў цэнтральнай частцы Бангладэш, калі знаходзіўся на пантоне і чакаў пасадкі на паром. У транспартным сродку знаходзілася каля 40 чалавек. Ратавальнікі паднялі аўтобус са дна ракі праз некалькі гадзін пасля здарэння.
«Пошукава-выратавальныя работы праводзіліся чатырма падраздзяленнямі, уключаючы 10 вадалазаў, пры падтрымцы арміі, паліцыі, берагавой аховы і мясцовай адміністрацыі», — паведамілі ў пажарнай службе.
На гэты момант з 25 загінулых апазнаны 23 чалавекі. Сярод загінулых, як удакладняецца, ёсць жанчыны і дзеці. Ратавальнікі прадаўжаюць працаваць на месцы здарэння. Улады пачалі расследаванне прычын няшчаснага выпадку.
