26 мая ўсе 144 пункты адчыняць свае дзверы для правядзення цэнтралізаванага экзамену і цэнтралізаванага тэсціравання. «Калі мы будзем гаварыць пра сістэму гарантавання бяспекі, то ўсе пункты ўжо забяспечаны сістэмамі відэаназірання. Гэта і ўваходныя групы, калідорныя групы ва ўсіх установах адукацыі. Бяспека ў тым ліку будзе забяспечвацца ў дні правядзення цэнтралізаваных экзаменаў, цэнтралізаваных тэсціраванняў сіламі ўзаемадзеяння з падраздзяленнямі органаў унутраных спраў і Міністэрства па надзвычайных сітуацыях», — расказаў Дзмітрый Міронаў.

Гаворачы аб мерах бяспекі падчас правядзення цэнтралізаванага тэсціравання і экзамену, Дзмітрый Міронаў падкрэсліў, што дакладна вызначаны пералік забароненых да праносу прадметаў. «У прынцыпе, мы кажам: на цэнтралізаваны іспыт, цэнтралізаванае тэставанне можна пранесці дакумент, які сведчыць асобу, ручку чорнага колеру (капілярную, лепш дзве — адна запасная). І, вядома ж, пропуск. Астатнія гаджэты пад прамой забаронай: гэта электронны гадзіннік, мабільныя тэлефоны, фотакамеры — усё, што можа быць крыніцай захоўвання і перадачы даных», — адзначыў ён.

ЦЭ і цэнтралізаванае тэсціраванне (ЦТ) па прадмеце на выбар пройдзе ў Беларусі 26 мая, па рускай або беларускай мове — 29 мая. ЦТ па прадмеце на выбар адбудзецца 2 і 5 чэрвеня. Рэзервовымі днямі вызначаны 18, 20 і 22 чэрвеня (ЦТ) і 20 і 22 чэрвеня (ЦЭ).