Польскі бок 12 верасня ў 1:00 у аднабаковым парадку закрыў усе пункты пропуску на граніцы з Беларуссю. 

Уезду на літоўскую тэрыторыю перад двума дзеючымі пагранпераходамі — «Мядзінінкай» («Каменны Лог») і «Шальчынінкай» («Беняконі») — чакаюць 720 фур. Кантрольныя службы Літвы за суткі аформілі 13% і 28% вялікагрузаў ад нормы адпаведна.

Чэргі легкавога транспарту фіксуюцца толькі перад літоўскімі пунктамі пропуску — 290 аўтамабіляў. Сумежны бок за 24 гадзіны прыняў з Беларусі 51% легкавушак ад нормы.