Пасля цырымоніі лідар Мазамбіка выказаў зацікаўленасць у істотным умацаванні двухбаковых эканамічных сувязяў на падмурку дружалюбнага палітычнага дыялогу.

Ён пацвердзіў намер развіваць супрацоўніцтва ў механізацыі сельскай гаспадаркі і забеспячэнні харчовага суверэнітэту Мазамбіка, у сферах энергетыкі, лічбавізацыі і бяспекі ў рэчышчы дамоўленасцяў, дасягнутых на сустрэчы з міністрам замежных спраў Беларусі Максімам Рыжанковым 18 ліпеня 2026 года.

Пасол Беларусі падкрэсліў гатоўнасць Мінска да канвертацыі дружалюбных адносін у рэальныя эканамічныя праекты. Ён удзяліў асаблівую ўвагу пытанням змястоўнага напаўнення маючага адбыцца афіцыйнага візіту Прэзідэнта Мазамбіка ў нашу краіну. 

Адзначыў таксама прагрэс у выкананні раней намечаных планаў, уключаючы арганізацыю візіту ў Беларусь міністра энергетыкі і мінеральных рэсурсаў Мазамбіка, які адбыўся ў пачатку кастрычніка 2026 года.

Пасол праінфармаваў аб цікавасці беларускіх кампаній да пашырэння дзелавых сувязяў з мазамбікскімі партнёрамі і рэалізацыі сумесных узаемавыгадных праектаў.