Надзвычайны і Паўнамоцны Пасол Беларусі ў Федэратыўнай Рэспубліцы Бразілія і Рэспубліцы Парагвай па сумяшчальніцтве Андрэй Андрэеў уручыў даверчыя граматы прэзідэнту Рэспублікі Парагвай Санцьяга Пенья Паласіясу, паведамляе БелТА.
У час сустрэчы была падкрэслена зацікаўленасць у развіцці ўзаемавыгаднага супрацоўніцтва, асабліва ва ўмацаванні гандлёва-эканамічнага ўзаемадзеяння.
Акрамя таго, беларускі дыпламат правёў сустрэчы з намеснікам міністра прамысловасці і гандлю Парагвая Хавіерам Віверасам, старшынёй Прамысловага саюза Парагвая Энрыке Дуартэ, а таксама старшынёй Парагвайскай палаты трэйдараў збожжа і алейных культур Хасэ Берэа.
З прадстаўнікамі парагвайскага прамысловага сектара былі абмеркаваны перспектыўныя напрамкі супрацоўніцтва ў галіне машынабудавання і электраэнергетыкі з улікам існуючых у беларускага боку шырокіх кампетэнцый і напрацовак у гэтай сферы.
