«Для (беларуска-расійскіх. — Заўв. БелТА) узаемаадносін год стартаваў дастаткова добра. У пачатку года прайшоў у Расіі саюзны Саўмін з удзелам двух прэм’ер-міністраў, прайшоў Вышэйшы дзяржсавет, дзе кіраўнікі дзяржаў заслухалі пэўныя вынікі работы і далі ўстаноўкі, як рухацца далей», — адзначыў ён.

Юрый Селіверстаў звярнуў увагу на тое, што сёння высокія тэхналогіі, асобныя тавары, энергарэсурсы становяцца элементам камерцыйнага непрыкрытага шантажу. «І мы бачым, як гэтая сітуацыя развіваецца ва ўсім свеце. Зразумела, што калі ў нас не будзе тэхналогій, якія нам неабходныя, каб забяспечыць бесперабойную работу звычайных, увогуле, вузлоў і агрэгатаў, не будзе нейкай запчасткі, якую мы не зможам паставіць у трактар ці аўтобус, наступствы відавочныя. Нават няма сэнсу іх прыводзіць», — зрабіў акцэнт Юрый Селіверстаў.