«Мы прадметна абмяркоўвалі пытанні паглыблення двухбаковага супрацоўніцтва з Прыморскім краем, з якім у нас склаліся дружалюбныя адносіны», — расказаў журналістам па выніках сустрэчы старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Алейнік. «На працягу апошніх гадоў наша эканамічнае ўзаемадзеянне дэманструе станоўчую дынаміку. Дастаткова сказаць, што за першы квартал 2026 года мы практычна падвоілі аб’ёмы тавараабароту. Мы пастаўляем у гэты рэгіён даволі вялікую колькасць беларускай тэхнікі. Летась створаны першы мультыбрэндавы цэнтр па сэрвісным абслугоўванні нашай тэхнікі і навучанні спецыялістаў. Плануецца стварэнне другога цэнтра, рыхтуецца да адкрыцця да канца года выставачна‑сэрвісны цэнтр МАЗа. Мы будзем ўмацоўваць супрацоўніцтва ў галіне прамысловай кааперацыі. Сур’ёзнае ўзаемадзеянне таксама ажыццяўляецца па лініі паставак беларускай сельскагаспадарчай прадукцыі і прадуктаў харчавання».

Ён адзначыў, што ў Прыморскім краі ўжо адкрыта больш за 15 фірменных магазінаў, дзе рэалізуецца беларуская прадукцыя. «Падчас сустрэчы ад губернатара мы атрымалі высокую ацэнку беларускай прадукцыі, якая карыстаецца даверам у насельніцтва Прыморскага краю», — адзначыў Сяргей Алейнік. Акрамя таго, Беларусь і Прыморскі край актыўна супрацоўнічаюць у сферах культуры і адукацыі.

На сустрэчы абмяркоўвалі таксама рэалізацыю канкрэтных праектаў. «Ёсць намер вярнуцца да рэалізацыі праектаў у галіне малочнай жывёлагадоўлі. Ёсць разуменне неабходнасці падрыхтаваць сумесны праект па вытворчасці і перапрацоўцы мяса птушкі, над якім мы дамовіліся папрацаваць, і па магчымасці падпісаць канкрэтныя дамоўленасці ў ходзе маючага адбыцца XIII Форума рэгіёнаў Беларусі і Расіі», — падкрэсліў старшыня Пастаяннай камісіі.

Сяргей Алейнік адзначыў, што міжрэгіянальнае супрацоўніцтва — адзін з прыярытэтаў міжнароднай дзейнасці Савета Рэспублікі. «Мы прасоўваем пытанні развіцця міжрэгіянальных сувязяў з дружалюбнымі краінамі на ўсіх узроўнях. XIII Форум рэгіёнаў Беларусі і Расіі ўмацуе наш патэнцыял у галіне міжрэгіянальнага супрацоўніцтва. Гэта будзе падмацавана канкрэтнымі эканамічнымі дамоўленасцямі, падпісаннем шэрагу двухбаковых пагадненняў, дарожных карт і праектаў», — рэзюмаваў ён.