Сярод 13 загінулых пажарны, які дапамагаў тушыць полымя. Акрамя таго, раненні атрымалі прынамсі 16 чалавек, яны былі шпіталізаваны.

Пажару прысвоена пятая катэгорыя небяспекі — максімальная з магчымых. Большасць жыхароў комплексу былі эвакуяваны з будынкаў. Аднак паліцыя працягвае атрымліваць паведамленні пра людзей, якія аказаліся заблакіраванымі ў памяшканнях.

Агонь ахапіў некалькі вышынных будынкаў жылога комплексу ў Паўночным раёне Тай По. Вядома, што тут знаходзіцца каля 2 тыс. кватэр. Полымя таксама закранула бамбукавыя будаўнічыя рыштаванні, устаноўленыя вакол будынкаў комплексу для правядзення касметычнага рамонту.

Пажарныя працягваюць барацьбу з агнём, некаторыя з іх атрымалі траўмы. Прычыны ўзгарання пакуль застаюцца невядомымі.