«Разгледжаны шэраг важных пытанняў інтэграцыйнага парадку дня, — распавёў ён. — Гэта такія кірункі, як удасканаленне права ЕАЭС у рэалізацыі стратэгіі развіцця еўразійскай эканамічнай інтэграцыі, міжнароднае супрацоўніцтва, гандаль, развіццё рынку паслуг, рэгуляванне дзейнасці суб’ектаў натуральных манаполій, а таксама ўзаемадзеянне ў галіне спорту. Падпісаны два важныя міжнародныя дакументы: Пагадненне аб эканамічным партнёрстве паміж ЕАЭС і яго дзяржавамі-членамі і Аб’яднанымі Арабскімі Эміратамі, Часовае гандлёвае пагадненне паміж ЕАЭС і яго дзяржавамі-членамі і Манголіяй. Такім чынам, пашыраюцца межы супрацоўніцтва з трэцімі краінамі. Гэта работа праводзіцца на сістэмнай аснове». 

Па словах Бакытжана Сагінтаева, імплементуюцца гандлёвыя адносіны з В’етнамам, Кітаем, Сербіяй, Іранам. «На фінальнай стадыіі вядуцца перагаворы з Індыяй, Інданэзіяй», — удакладніў ён.

Старшыня Калегіі ЕЭК праінфармаваў, што кіраўнікі дзяржаў разгледзелі асноўныя напрамкі міжнароднай дзейнасці ЕЭАС. «За мінулыя гады пазіцыі Еўразійскага эканамічнага саюза на міжнароднай арэне значна ўмацаваліся, — канстатаваў ён. — СНД, ШАС, АСЕН і іншыя аб’яднанні з’яўляюцца нашымі партнёрамі. Закладваюцца базавыя нормы ўзаемадзеяння Саюза з БРІКС. Умацоўваецца сетка кантактаў з краінамі Лацінскай Амерыкі і Афрыкі».

Бакытжан Сагінтаеў падкрэсліў, што на пляцоўках ЕАЭС прасоўваецца ідэя развіцця шматбаковага дыялогу. «У частцы гандлёвай палітыкі краіны Саюза былі інфармаваны аб развіцці ў ЕАЭС маркіроўкі тавараў, — сказаў ён. — Гэта сістэма даказала сваю эфектыўнасць з пункту гледжання абароны ад кантрафактнай прадукцыі, павышэння збіральнасці падаткаў. Кіраўнікам дзяржаў былі прадстаўлены вынікі рэалізацыі Стратэгіі развіцця еўразійскай эканамічнай інтэграцыі да 2025 года. 

Рэалізацыя гэтага дакумента прыдала пэўны імпульс інтэграцыі па ўсіх ключавых кірунках. У сферы прамысловасці створаны механізм фінансавання сумесных кааперацыйных праектаў, першыя праекты ўжо адобраны. У аграпрамысловым комплексе зацверджаны агульныя падыходы да забеспячэння харчовай бяспекі. Створаны інфармацыйны рэсурс — Карта развіцця аграіндустрыі ў ЕАЭС, у яе ўключана 357 праектаў на суму парадку 18 мільярдаў долараў ЗША. У сферы працоўнай міграцыі падпісана Пагадненне аб узаемным прызнанні дакументаў аб вучоных ступенях у дзяржаваў ЕАЭС».

Таксама падпісана Пагадненне аб узаемным прызнанні банкаўскіх гарантый пры ажыццяўленні дзяржзакупак і Пагадненне аб адзінай сістэме мытнага транзіту ЕАЭС і трэцяга боку. Прыняты шэраг мер для развіцця эканамічнага супрацоўніцтва ў дзяржавах-членах ЕАЭС у сферы турызму.