5 чэрвеня ў 11:27 ратавальнікі атрымалі інфармацыю пра шпіталізацыю з апёкамі пенсіянера 1944 года нараджэння. Траўмы мужчына атрымаў праз узгаранне на ім адзення пры спальванні смецця ў вогнішчы на тэрыторыі садовага таварыства каля аграгарадка Чыркавічы Светлагорскага раёна. Прычына пажару — неасцярожнае абыходжанне з агнём.

У той жа дзень ў 17:43 у МНС паступіла інфармацыя пра шпіталізацыю пенсіянера 1942 года нараджэння. На мужчыне загарэлася адзенне праз успышку пароў лёгкаўзгаральнай вадкасці пры рамонце мотаблока на тэрыторыі прыватнага домаўладання ў вёсцы Птушычы Асіповіцкага раёна. Прычына пажару высвятляецца.