На дрэннае самаадчуванне паскардзілася 75-гадовая жыхарка Драгічынскага раёна. Пенсіянерка экстранна паступіла ва ўстанову аховы здароўя з прыкметамі атручэння. Выратаваць жанчыну не ўдалося.

Падчас правядзення агляду па месцы жыхарства памерлай на прысядзібным участку знойдзены грыбы, падобныя да смяротна атрутнай паганкі. Як растлумачыў муж пенсіянеркі, жанчына сказала, што знайшла на ўчастку шампіньёны, пасля чаго зрэзала некалькі штук і прыгатавала для сябе.

Эксперты ДКСЭ пацвердзілі, што смерць пенсіянеркі наступіла ад вострага атручэння. У ДКСЭ нагадалі, што ўжыванне ў ежу невядомых відаў грыбоў можа мець смяротныя наступствы. У выпадку выяўлення прыкмет атручэння да прыезду медыцынскіх работнікаў трэба прамыць страўнік вялікай колькасцю пітной вады і прыняць сарбенты.